سیاست میں واپسی پر رجنی کانت کا بیان

رجنی کانت نے کہا کہ وہ سیاست چھوڑنے کے اپنے فیصلے پر ایک بار پھر سے نظر ثانی کریں گے۔ رجنی کانت نے کہا کہ وہ اپنے سیاسی تنظیم رجنی مکل مندرم (آر ایم ایم) کے رہنماؤں سے مشورہ کرنے کے بعد ہی فیصلہ لیں گے۔

جنوبی بھارتی فلموں کے سپر اسٹار رجنی کانت نے اپنی سیاسی زندگی کے حوالے سے پیر کو ایک بڑا بیان دیا ہے۔ ان کے بیان سے تمل ناڈو کی سیاست میں ہلچل پیدا ہوسکتی ہے۔

رجنی کانت نے کہا کہ وہ سیاست چھوڑنے کے اپنے فیصلے پر نظر ثانی کریں گے۔ رجنی کانت نے کہا کہ وہ اپنے سیاسی تنظیم رجنی مکل مندرم (آر ایم ایم) کے رہنماؤں سے مشورہ کرنے کے بعد ہی فیصلہ لیں گے۔

سیاست میں واپسی پر رجین کانت نے دیا بڑا بیان

واضح رہے کہ اس سے قبل سپر اسٹار رجنی کانت نے اچانک گذشتہ سال 29 دسمبر 2020 کو اپنی صحت کا حوالہ دیتے ہوئے کہا تھا کہ وہ سیاست میں شامل نہیں ہوں گے۔ اپنے پوئس گارڈن کی رہائش گاہ پر صحافیوں سے گفتگو کرتے ہوئے اداکار کا کہنا تھا کہ جس وقت انہوں نے اعلان کیا تھا کہ وہ سیاست میں داخل نہیں ہو رہے ہیں اس وقت بہت سے سوالات کے جواب ان کے پاس نہیں تھے۔ انہوں نے کہا کہ ریاست میں کورونا اور اسمبلی انتخابات کے بڑھتے ہوئے وباء کی وجہ سے کوئی فیصلہ نہیں لیا جاسکا۔

تاہم ، رجنی کانت کے معاون اور گاندھیہ مکل ایکم کے بانی ، تملارووی منین نے کہا تھا کہ اداکار نے یہ نہیں کہا کہ وہ کبھی بھی سیاست میں داخل نہیں ہوں گے۔ انہوں نے رجنی مکل مندرم کو تحلیل نہیں کیا ہے۔ بس وہ ابھی انتخابی میدان میں نہیں اتریں گے۔

منین نے کہا کہ اگر کل رجنی کانت یہ کہتے ہیں کہ وہ سیاست میں واپس آرہے ہیں تو گاندھیہ مکل ایکم ان کے سفر میں شامل ہوگا۔ اگر رجنی کانت سیاست میں داخل نہیں ہوئے تو ، یہ ایک وابستہ تنظیم کی حیثیت سے کام کرتی رہے گی۔