دارالحکومت دہلی میں لال قلعہ کے بالکل سامنے بنی کوٹ مارکیٹ میں پرانے کپڑوں کی خریداری کی جاتی ہے تاہم ملک بھر میں جاری لاک ڈاؤن کی وجہ سے کوٹ مارکیٹ بند ہے اور دکانوں میں مال بھرا ہوا تھا۔
لال قلعہ کے سامنے واقع کوٹ مارکیٹ میں لگی آگ رات میں تقریباً 3 بجے تیز ہواؤں سے تاروں میں چنگاری اٹھی اور دکانوں میں رکھے کپڑوں پر جا گری جس کے بعد ایک چھوٹی سی چنگاری نے ایک خطرناک آگ کی شکل اختیار کرتے ہوئے دکانوں کو جلا کر خاک کر دیا۔
حالانکہ موقع پر 6 فائر بریگیڈ کی گاڑیاں پہنچ گئی تھیں لیکن خبر لکھے جانے تک آگ پر قابو نہیں پایا جا سکا تھا۔ اطلاعات کے مطابق اس حادثے میں مالی نقصان کافی ہوا ہے البتہ اب تک جانی نقصان کی کوئی اطلاع نہیں آئی ہے۔
قابل ذکر ہے عام دنوں میں لال قلعہ کے سامنے واقع اس مارکیٹ میں بڑی تعداد میں لوگ خریداری کرنے آتے ہیں خاص طور پر اتوار کے روز اس مارکیٹ میں پیر رکھنے کو جگہ نہیں ہوتی ہے تاہم لاک ڈاؤن کی وجہ سے تمام ملازمین بھی مارکیٹ میں نہیں تھے۔
