ریاست اتراکھنڈ کے ضلع دہرادون میں گھانگریہ ہیمکنڈ ٹریک روٹ پر ایس ڈی آر ایف کو جمعرات کو دو غیر ملکیوں سمیت چار ٹریکرز کے گمشدہ ہونے کی اطلاع موصول ہوئی تھی جبکہ دو ٹریکرز محفوظ طریقے سے واپس آگئے تھے لیکن ایک غیر ملکی سمیت دو ٹریکرز سے رابطہ نہیں ہو رہا تھا۔
ایس ڈی آر ایف نے گمشدہ غیرملکی ٹریکرز کا ریسکیو کیا ڈی جی پی اشوک کمار نے بتایا کہ جمعرات کی رات دو ٹریکرز کے گمشدہ ہونے کی اطلاع موصول ہوئی تھی۔ جس کے بعد دونوں ٹریکرز کی تلاش میں ایس ڈی آر ایف کی ٹیم جمعہ کی صبح 5 بجے سے ہی تلاش کرنے نکلی تھی۔
سہ پہر تین بجے کے قریب ایس ڈی آر ایف ریسکیو ٹیم کے انچارج نے سیٹلائٹ فون کے ذریعے کنٹرول روم کو آگاہ کیا کہ انہوں نے دونوں ٹریکرز سے رابطہ کیا ہے۔ دونوں ٹریکرز ہیمکنڈ کے قریب پائے گئے ہیں جو مکمل طور پر صحت مند نہیں ہیں بلکہ وہ گھبراہٹ کے شکار ہیں۔
یہ بھی پڑھیں: فضائیہ کے سابق افسر محمد شعیب کی دردناک داستان
ایس ڈی آر ایف کے ذریعہ پائے جانے والے ٹریکرز کی شناخت ہریپریت (29) جس کا تعلق پنجاب سے ہے اور دوسرا علی اوشہ کے طور پر ہوئی ہے جو سلووینیا سے تعلق رکھنے والی ہیں۔ شام تک ایس ڈی آر ایف کی ٹیم ٹریکرز کے ساتھ محفوظ طور پر گھانگریہ پہنچ گئی ہے۔
