دربھنگہ: سنجے سراوگی کے مشورے پر وزیر اعلی نے کیا غور

ریاست بہار کے ضلع دربھنگہ کے رکن اسمبلی سنجے سراوگی نے بہار کے وزیر اعلی نتیس کمار کو مشورہ دیا جس پر فوری طور پر توجہ دیتے ہوئے وزیراعلی نے ریاست کے سبھی اعلی افسران کو حکم دے دیا کہ ریاست کے سبھی نو اگزسٹنس اور انتیودے کارڈ والے راشن صارفین کو ڈیلر سے اناج ملے گا۔

غور طلب ہے کہ پیر کے روز دن کے 12 بجے دربھنگہ کے رکن اسمبلی سنجے سراوگی نے نو اگزسٹنس والے اور انتیودے راشن کارڈ والے غریب صارفین کی دقتوں کو لیکر وزیر اعلی نتیش کمار سے فون پر بات چیت کی۔

محکمہ اناج فراہمی کے سکریٹری پنکج لال اور وزیر اعلی کے سکریٹری منیش ورما، دربھنگہ کے کلکٹر اور رکن اسمبلی سنجے سراوگی کے ساتھ ویڈیو کانفرنسگ اسی موضوع پر کی گئی۔ اس ویڈیو کانفرنسگ میں سنجے سراوگی نے دربھنگہ ضلع کے تقریبا 35 ہزار اور شہری علاقوں کے نو اگزسٹنس اور انتیودے والے 05 ہزار غریب راشن کارڈ صارفین کے مسائل کے بارے میں بتایا۔

افسران نے اس پر توجہ دیتے ہوئے حکم جاری کیا ہے کہ دربھنگہ ہی نہیں بلکہ پورے ریاست میں اس طرح کے نو اگزسٹنس اور انتیودے والے غریب صارفین کو ڈیلر راشن مہیا کرائے -اس سے غریب صارفین کو بہت راحت ملے گی۔