دربھنگہ: گاؤں کی مساجد میں بھی نماز جمعہ ادا نہیں کی گئی

کورونا وائرس کے پھیلاؤ کو روکنے کے لیے ملک بھر میں 21 دنوں کا لاک ڈاؤن کیا گیا ہے۔ اس دوران مذہبی و سماجی پروگرامز سمیت لوگوں کے جمع ہونے پر پابندی ہے۔

خبروں کے مطابق لاک ڈاون کے پیش نظر آج ملک بھر کی مساجد میں نماز جمعہ کے لیے بھی لوگ جمع نہیں ہوئے، حتی کہ گاؤں کے مساجد میں بھی لوگ جمعہ کی نماز کے لیے جمع نہیں ہوئے بلکہ امام مؤذن اور مسجد انتظامیہ سمیت دو چار افراد پر مشتمل لوگوں نے نماز جمعہ ادا کی۔

اس سلسلے میں مساجد انتظامیہ نے عوام سے اپیل کی کہ وہ گھروں میں رک کر ظہر کی نماز ادا کریں۔ جمعہ کے لیے مسجد کا رخ نہ کریں۔'

ریاست بہار کے ضلع دربھنگہ میں بھی کچھ اسی طرح کا منظر دیکھا گیا جہاں گاؤں کی مساجد میں بھی لوگ جمعہ کی نماز کے لیے جمع نہیں ہوئے اور لاک ڈاؤن پر پوری طرح عمل کرتے ہوئے نظر آئے۔