دربھنگہ: کثیر مقدار میں شراب ضبط

ریاست بہار کے ضلع دربھنگہ کے تھانہ بینتا حلقہ اللپٹی کے رودل گنج علاقے میں چھاپہ ماری کے دوران پولیس نے کثیر مقدار میں شراب ضبط کیا۔

اطلاعات کے مطابق دربھنگہ پولیس ہولی کے پیش نظر پر امن ماحول اور جرائم پر کنٹرول کی غرض سے شراب اسمگلنگ کے خلاف چھاپہ ماری مہم شروع کیا ہے۔ اس مہم کے تحت پولیس مستعدی کے ساتھ کام کررہی ہے۔

اسی ضمن میں سنچر کی دیر شام دربھنگہ پولیس کو ایک خفیہ اطلاع ملی جس کی بنیاد پر پولیس نے دربھنگہ کے تھانہ بینتا حلقہ کے اللپٹی کے رودل گنج علاقے میں چھاپہ ماری کرکے ایک گھر سے کثیر مقدار میں شراب ضبط کی۔

اس چھاپہ مہم میں ایکسائز ڈپارٹمنٹ کی ٹیم سمیت متعدد پولیس کے اعلی اہلکار شامل تھے۔

اس موقع پر ای ٹی وی بھارت سے گفتگو کرتے ہوئے پولیس انسپکٹر نے کہا کہ' یہ مہم اور تیز کی جائے گی۔ سینئر ایس پی کی ہدایت پر پورے شہر میں ناکہ بندی کر شراب مافیا اور شراب کی برآمدگی کے لیے پولیس لگی ہوئی ہے۔ تاکہ ہولی پر امن ماحول میں منایا جا سکے۔'