دربھنگہ: موسلا دھار بارش سے صدر تحصیل دفتر میں پانی بھرا

دربھنگہ میں مسلسل بارش کے سبب صدر تحصیل دفتر میں کام کرنے والے ملازمین کو کافی دشواریوں کا سامنا کرنا پڑ رہا ہے۔

ریاست بہار کے ضلع دربھنگہ کے نگر نگم کے وارڈ نمبر 17 میں مسلسل بارش کے سبب سیلاب جیسی صورتحال بنی ہوئی ہے۔

سڑکوں پر گھٹنے سے زیادہ پانی بھرا ہوا ہے۔ وہیں صدر تحصیل دفتر احاطے اور دفتر کے اندر بھی پانی بھرا ہوا ہے۔

دفتر کے اندر ٹیبل کرسی پانی میں تیرتے نظر آ رہے ہیں۔ وہیں دفتر کے اہلکار اپنے آفس سیکشن چھوڑ کر دوسری جگہ بیٹھنے پر مجبور ہیں۔

بلاک ترقیاتی دفتر پہنچے ایک شہری حسن امام نے بتایا کہ 'پچھلے ایک ماہ سے وہ رہائش سرٹیفکیٹ لینے کے لئے دفتر کے چکر کاٹ رہے ہیں اور پانی میں بار بار آنے پر انہیں پریشانیوں کا سامنا کرنا پڑ رہا ہے اور کئی بار اس پانی کے اندر گڑھے میں گرنے کی وجہ سے انہیں کافی چوٹیں بھی آئی ہیں۔'

وہیں اس حالات کے تعلق سے صدر بلاک ترقیاتی افسر روی کمار نے بتایا کہ جگہ نیچی ہونے کی وجہ سے برسات کے موسم میں یہ دشواری پیش آرہی ہے ایسے میں دفتر کے اندر اور باہر پانی جما ہوا ہے۔ ایسے میں دفتر میں بیٹھ کر کام کرنا کافی مشکل ہو رہا ہے۔

انہوں نے کہا کہ دفتر کی حالت بھی اتنی خستہ ہے کہ آئے دن چھت کے پلاسٹر ٹوٹ کر گرتے ہیں ایسے میں احتیاط برتنا بے حد ضروری ہے۔

انہوں نے یہ بھی کہا کہ اس دفتر کی خستہ حالت کی درستگی کے لیے انہوں نے کئی بار انتظامیہ کو درخواست دی ہیں لیکن اب تک کچھ حاصل نہیں۔