ریاست بہار کے ضلع دربھنگہ میں آل انڈیا اسٹوڈنٹ یونین کے ریاستی سکریٹری شاداب اختر اپنی ٹیم کی ساتھ لاک ڈاؤن میں کورونا سے احتیاط اور بیداری مہم چلانے کے ساتھ ساتھ جگہ جگہ گھوم کر ضرورت مندوں کو مفت طبی سہولیات فراہم کر رہے ہیں۔ ساتھ میں لوگوں کی اسکریننگ بھی کروا رہے ہیں، وہیں ضرورت مند لاچار لوگوں کو کھانے بھی کھلا رہے ہیں۔ان کی ٹیم میں دربھنگہ میڈیکل کالج ہسپتال کے پی جی میڈیسن کے ڈاکٹر، دوسرے ایم بی بی ایس ڈاکٹر بھی شامل ہیں۔
شاداب اختر نے کہا کہ لاک ڈاؤن میں سواری کی سہولت نہیں ہونے کی وجہ سے بہت سے لوگ بیمار ہونے کے باوجود اپنا علاج نہیں کرا پا رہے ہیں، وہیں حکومت کی جانب سے بھی سبھی لوگوں کی کورونا کو لیکر اسکریننگ نہیں کروائی جا رہی ہے۔ ان وجوہات کی وجہ سے بھی ہم لوگوں نے فیصلہ کیا ہے کہ این ایس یو آئی اور اپنے آرگنائزیشن "پریاش" کی طرف سے جگہ جگہ کیمپ لگا کر ضرورت مندوں کے درمیان مفت طبی سہولیات اور دوا مفت اسکریننگ وغیرہ دیا جائے۔
اس موقع پر تارا لاہی میں لگے میڈیکل کیمپ میں "پریاش "گروپ کے بانی انجم جسیم، اشرف عمر، نیاز اختر، ریحان خان، سمیت کمار،اور دیگر کئی کارکنان موجود تھے۔
