'رمضان میں گھروں میں ہی عبادات کریں'

دربھنگہ کے مسلم دانشوروں نے متفقہ طور پر عوام سے رمضان المبارک میں گھروں میں ہی عبادات کا اہتمام کرنے کی اپیل کی ہے۔

اس سلسلے میں جب دربھنگہ کے مسلم دانشوران سے رائے جاننے کی کوشش کی تو سبھی نے لاک ڈاؤن پر عمل کرنے کی اپیل کی۔ پیشے سے وکیل راجو خان نے کہا کہ حکومت کے حکم پر عمل کرتے ہوئے رمضان المبارک کی عبادتوں کا اہتمام گھر میں کریں گے'۔

وہیں اس مسئلے پر سماجی لیڈر اور انصاف منچ کے ریاستی نائب صدر نیاز احمد نے کہا کہ ہم اپنے گھروں میں بھی سماجی دوری کا خیال رکھتے ہوئے رمضان کے روزے اورتراویح کا اہتمام کریں گے۔ انہوں نے عام مسلمانوں سے بھی گھروں میں رہنے کی اپیل کی۔

انہوں نے ضلع انتظامیہ سے نیم چوک، اردو محلہ اور شہر کے دیگر مقامات پر سبزی اور پھلوں کی دکانوں کے لیے اجازت دینے کی اپیل کی۔