دربھنگہ: قرنطینہ میں رہنے والے مزدوروں کے لیے جمع کیا گیا چندہ

دربھنگہ ضلع کے حیاگھاٹ تحصیل کے ملہی پٹی پنچایت کے پرائمری اسکول رتنپورا، پرائمری اسکول اسما میں بدحال قرنطینہ سینٹر میں رہ رہے مہاجر مزدوروں کو بہتر سہولیات فراہم کرانے کی غرض سے سابق مکھیا سنا اللہ خان نے پنچایت میں گھوم گھوم کر عام لوگوں سے چندا جمع کیا۔

سابق مکھیا نے الزام عائد کیا ہے کہ حکومت کی جانب سے جو سہولیات فراہم کرانے کی نصیحت دی گئی ہے، وہ ساری سہولیات اس قرنطینہ سینٹر پر دستیاب نہیں ہے- اسی لیے ہم لوگ آپس میں چندا جمع کر انہیں سہولیات فراہم کرنے کی کوشش کر رہے ہیں- انہوں نے ضلع انتظامیہ کو متنبہ کرتے ہوئے کہا کہ اگر دو دن کے اندر اس قرنطینہ سینٹر پر بہتر سہولیات فراہم نہیں کیا گیا تو تمام لوگ احتجاجی مظاہرہ کریں گے۔