کورونا وائرس: 'دو مشتبہ مریضوں کے بھاگنے کی بات جھوٹی'

ریاست بہار کے دربھنگہ میڈیکل کالج سے کورونا وائرس کے دو مشتبہ مریضوں کے بھاگنے کی خبر تھی مگر اس خبر کی تردید کی گئی ہے۔

ضلع کے ڈی ایم اور آن ڈیوٹی نرس نے مشتبہ مریضوں کے بھاگنے والی خبر کو جھوٹ قرار دیا ہے۔

کچھ نیوز چینل پر اس طرح کی خبریں چلنے کے بعد کلکٹر دربھنگہ نے پریس ریلیز جاری کر اس خبر سے انکار کر دیا ہے۔

انہوں نے ریلیز کے ذریعے کہا کہ وہ سات برس کی مشتبہ مریضہ ارریہ ضلع کی تھی۔ ان کے والدین نے اسے ڈی ایم سی ایچ سے بہتر علاج کے لئے پٹنہ منتقل کروا لیا، وہیں ایک دوسرا ستو سہنی جو دربھنگہ شہر کے بھیگو کا رہنے والا تھا، اس میں کورونا وائرس سے متاثر کوئی تکلیف نہیں تھی۔ وہ دل کا مریض تھا جو ڈر کر چلا گیا تھا۔

دربھنگہ میڈیکل کالج ہسپتال کے آئی ڈی ایچ وارڈ میں ڈیوٹی پر موجود سینیئر نرس ویبھا کماری نے بھی کہا کہ ایک مشتبہ ضعیف مریض جو پہلے سے ڈی ایم سی ایچ میں زیر علاج ہیں، ان کی طبیعت پہلے سے اچھی ہے۔