ریاست بہار کے دربھنگہ ضلع انتظامیہ کی جانب سے ضلع سطحی پنچایت وسائل ملازمین اور پنچایت کے منتخب عوامی نمائندوں اور ملازمین کا غیر رہائشی رفریشر تربیتی پروگرام ضلع پریسد دربھنگہ کے مٹنگ ہال میں منعقد کروایا جا رہا ہے، جو گزشتہ 26 فروری سے شروع ہوا ہے اور 17 مارچ تک چلے گا-
اس تربیتی پروگرام میں دربھنگہ ضلع کے مختلف پنچایت کے مکھیا بھی شامل ہیں۔ وہیں ٹریننگ پروگرام میں شرکت کر رہے دربھنگہ کے سیسو مشرقی پنچایت کے مکھیا شمش عالم خان نے الزام لگایا کہ اس ٹریننگ پروگرام میں انتظامیہ کی جانب سے بدنظمی اور لا پرواہی برتی جا رہی ہے جبکہ فی نمائندہ پر حکومت روزانہ کے حساب سے 250 روپے خرچ کر رہی ہے، اس بدنظمی کے باوجود بھی ہم لوگ ٹریننگ لے رہے ہیں۔
