دربھنگہ: شہریت ترمیمی قانون کے خلاف پیدل مارچ

ریاست بہار کے ضلع دربھنگہ میں منگل کو سی پی آئی ایم بھاکپا مالے کے رہنماؤں نے 'سی اے اے، این آر سی، اور این پی آر' کے خلاف پیدل مارچ نکالا۔

دربھنگہ کے پولو میدان سے راج میدان تک یہ پیدل مارچ نکالا گیا۔ یہ پیدل مارچ باپو دھام سے آیا ہوا ہے جو گاندھی میدان یاترا دربھنگہ میں شامل ہو کر شہریت ترمیمی قانون، این آر سی اور این پی آر' کے خلاف اپنا احتجاج درج کرائے گا۔

اس پیدل مارچ میں شامل سی پی آئی ایم ایل کے مرکزی پولٹ بیورو کے رکن دھریندر جھا نے کہا کہ 'سی اے اے، 'این آر سی' اور 'این پی آر' سخت گیر ہندو تنظیم آر ایس ایس کا منصوبہ ہے۔

انہوں نے مزید کہا کہ 'اس قانون کے خلاف ملک بھر میں احتجاج ہو رہا ہے، مہاتما گاندھی اور بھیم راؤ امبیڈکر کے آئین کو توڑا گیا ہے، اس قانون سے زیادہ بنگال اور بہار کے لوگوں کا نقصان ہو گا-

انہوں نے 'اس قانون کو سیاہ بتاتے ہوئے کہا کہ مرکزی حکومت اسے جب تک واپس نہیں لے لیتے اسی طرح کا احتجاج جاری رہے گا'۔