'سونیا گاندھی کو صدر بنے رہنا چاہیے'

مدھیہ پردیش کے سابق وزیر اعلیٰ کمل ناتھ نے سی ڈبلیو سی میٹنگ کے متعلق بیان دیا۔

کانگریس کے سینئر رہنما اور مدھیہ پردیش کے سابق وزیراعلیٰ کمل ناتھ نے آج کہا کہ کانگریس صدر سونیا گاندھی کو قومی صدر کے عہدے پر برقرار رہنا چاہیے۔
کمل ناتھ نے صبح چھندواڑہ ہوائی پٹی پر صحافیوں کے ذریعہ سونیا گاندھی کے عہدے پر بنے رہنے کے سلسلے میں پوچھے گئے سوالوں کے جواب میں یہ بات کہی۔

انہوں نے کہا کہ ہاں وہ پہلے ہی ٹویٹر پر اس سلسلے میں کئے گئے سوال پر اپنا بیان دے چکے ہیں۔ کمل ناتھ اپنے بیٹے اور چھندواڑہ کے رکن پارلیمنٹ نکول ناتھ کے ساتھ دو روزہ دورے پر خصوصی طیارہ سے یہاں پہنچے ہیں۔
کمل ناتھ اس کے بعد ہیلی کاپٹر سے ہرئی گاؤں کے دیوری کے لئے روانہ ہوگئے۔