سترسالہ شخص پی وی سندھو سے شادی کا خواہشمند

بھارت کی جنوبی ریاست تمل ناڈو میں 70 برس ضعیف شخص نے ضلع انتظامیہ میں ایک درخواست دیکر مطالبہ کیا کہ بھارت کی بیڈمنٹن اسٹار اور عالمی چیمپئن پی وی سندھو سے اس کی شادی کرائی جائے۔

ملائی سوامی نامی اس شخص نے اس ضمن میں انتباہ بھی دیا کہ پی وی سندھو سے اگر اس کی شادی نہیں ہوتی ہے تب وہ سندھو کو اغوا کر کے شادی کرے گا۔
تفصیلات کے مطابق تمل ناڈو کے ضلع رام ناتھ پورم کلکٹیرٹ میں عوامی مسائل کی سماعت کے لیے ایک پروگرام منعقد کیا گیا جس میں ضلع کی عوام اپنے اپنے حلقوں کے مسائل سے متعلق درخواست دے رہے تھے، اس دوران ملائی سوامی نے بھی ضلع کلکٹر کو درخواست دی اور پی وی سندھو سے اس کی شادی کا مطالبہ کیا۔
مذکورہ شخص نے اس موقع پر اپنی اور سندھو کی منسلک تصویریں بھی دکھائیں۔
اس شخص کے انوکھے سلوک کو دیکھ کر مقامی عوام دنگ رہ گئے۔