تملناڈو کے ستنکُلم پولیس تھانے میں باپ۔بیٹے کے قتل کے معاملے کی تفتیش مکمل ہونے اور سراغ لگنے تک وزیر اعلیٰ ای کے پلانی سوامی کو ریاست کے وزیر داخلہ کے عہدے سے برطرف ہونے سے متعلق عرضی جمعہ کے روز سپریم کورٹ میں دائر کی گئی۔
پیشے سے وکیل اے راجا راجن کی جانب سے دائر عرضی میں پولیس تھانے میں باپ۔بیٹے (پی جے راج اور جے بینکس) کی موت کے سلسلے میں مسٹر پلانی سوامی کے کردار پر سوال کھڑے کیے گئے ہیں۔
یہ بھی پڑھیں:
عرضی گذار نے کرائم برانچ کے جرائم کے تحقیقاتی محکمے (سی بی۔ سی آئی ڈی) کو یہ بھی تفتیش کرنے کی ہدایت دی ہے کہ مجرم پولیس اہلکاروں کو بچانے کے لیے وزیر اعلیٰ نے اپنے آئینی عہدے کا غلط استعمال کیا ہے۔
عرضی گذار نے اس معاملے میں تیرونیلویلی کے سی بی سی آئی ڈی محکمہ کے پولیس سب انسپیکٹر کو وزیر اعلیٰ کے کردار کی تفتیش کرنے کی ہدایت دینے کا مطالبہ کیا ہے۔
ہلاک ہونے والوں کے اہل خانہ نے اس معاملے میں پولیس تھانے کے اہلکاروں پر ظلم و بربریت کا الزام عائد کرتے ہوئے ایک معاملہ درج کیا ہے۔