ڈی ایم کے رہنما اسٹالن نے پیر کے روز اسمبلی سے واک آوٹ کرتے ہوئے کہا کہ انہوں نے اسپیکر سے مذکورہ قانون کے خلاف قرار داد لانے کی اپیل کی۔ مگر اسپیکر نے اس کی اجازت نہیں دی۔
بعد ازاں انھوں نے میڈیا سے بات کرتے ہوئے کہا کہ اسپیکر نے متنازعہ قانون پر بات کرنے کی اجازت نہیں دینے کی ایک غلط مثال پیش کی ہے۔ چونکہ اس موضوع پر اس سے قبل اسمبلی میں کوئی بات نہیں ہوئی اور اس پر بحث کی جاسکتی تھی۔
اسٹالن نے کہا کہ وہ اور ان کی پارٹی وزیر اعلی پلنی سوامی کی اس بات سے اتفاق نہیں کرتے کہ ،واشرمن پیٹ، میں شہریت ترمیمی قانون کے خلاف احتجاج کرنے والے افراد نے گورنمنٹ پراپرٹی کا نقصان کیا ہے، انھوں نے کہا کہ وزیر اعلی کی وضاحت سے وہ مطمئن نہیں ہیں۔
واضح رہے کہ شاہین باغ کی طرز پر تمل ناڈو کے ،واشرمن پیٹ، میں خواتین کئی دنوں سے متنازعہ قانون کے خلاف احتجاج کررہی ہیں ،اس احتجاج کے دوران14 فروری کو پولیس نے احتجاجیوں پر لاٹھی چارج کیا۔
مذکورہ قانون کے خلاف کیرل، پنجاب راجستھان مغربی بنگال،پڈوچیری نے اپنی اسمبلیز میں قرار دا منظور کی ہے۔اس قانون کو لیکر پورا ملک ہل گیا، دہلی کے شاہین باغ میں خواتین نےکڑاکے کی سردیوں میں شب وروز گزارے اور اسے واپس لینے کا آج تک مطالبہ کررہے ہیں۔ ریاست کیرل کی حکومت نہ صرف اس قانون کو امتیازی اور غلط قرار دیکر اسمبلی میں قرار داد منظور کیا بلکہ سپریم کورٹ میں اس کے خلاف عرضی بھی دی۔