ریاست ہریانہ کے ضلع نوح میوات میں لاک ڈاؤن کے دوران مزدوروں کی کفالت میں سماجی تنظیمیں نمایاں خدمات انجام دے رہی ہیں۔
سماجی تنظیم آر ٹی آئی منچ نے نگینہ، نوح، فیروزپور جھرکا، اور پنگواں روڈ پر بسے غریب مزدوروں کے لیے ایک ہفتے کا سوکھا راشن تقسیم کیا۔
یومیہ مزدوروں کے لیے سماجی تنظیموں کا سہارا میوات میں بسے بڑی تعداد میں ان غیرریاستی مزدوروں کی ضروریات کا خیال آر ٹی آئی منچ کی پوری ٹیم لاک ڈاؤن کے پہلے دن سے ہی کر رہی ہے۔
تنظیم کے صدر راج الدین جنگ نے بتایا کہ ای-دشا پورٹل پر مزدوروں کے اندراج میں بھی تنظیم کا نمایاں کام ہے اور انہیں گھر بھیجنے کی کوششیں بھی مسلسل کی جارہی ہیں۔
انہوں نے کہا کہ ضلع انتظامیہ کے تعاون سے مزدوروں کو ان کے گھر عید سے پہلے پہلے پہنچانے کی کوشش کی جا رہی ہے۔
انہوں نے کہا کہ مزدوروں کو جو بھی کھانا وغیرہ تقسیم کیا گیا اس میں پولس انتظامیہ نے بھی ہمارا تعاون کیا ہے جبکہ جن لوگوں نے بھی تنظیم کو اس کام کے لیے تعاون پیش کیا ان کا بھی شکریہ ادا کرتے ہیں۔
