سدرشن نیوز چینل کے لائسنس کو رد کیا جائے: کانگریس رہنما

آفتاب احمد نے کہا کہ ایسا لگتا ہے کہ بی جے پی حکومت اور آر ایس ایس کی شہہ پر یہ شرارت وہ کرنے جا رہا ہے۔

ریاست ہریانہ کے کانگریس کے سینیئر رہنما اور ڈپٹی اپوزیشن لیڈر آفتاب احمد نے سدرشن نیوز چینل کے مدیر اعلی خلاف سخت کارروائی کا مطالبہ کیا ہے۔

انہوں نے کہا کہ شریش چوہان کے ملک کے آئین کی بالادستی کو چیلنج کیا ہے۔ اس طرح نفرتی اور فرقہ وارانہ پروپیگنڈہ چلانے کی اجازت کیسے دی جا سکتی ہے۔

آفتاب احمد نے کہا کہ ایسا لگتا ہے کہ بی جے پی حکومت اور آر ایس ایس کی شہہ پر یہ شرارت وہ کرنے جا رہا ہے۔ انہوں نے سدرشن نیوز چینل کے لائسنس رد کرنے کا بھی مطالبہ کیا اور اس کے مدیر اعلی کے خلاف مرکزی حکومت سے سخت کارروائی کا مطالبہ کیا۔

واضح رہے کی نیوز چینل سدرشن نیوز نے 28 اگست سے نشر ہونے والے اپنے ایک شو کا ٹریلر جاری کیا ہے۔ اس میں چینل کے ایڈیٹر ان چیف شریش چوہان 'نوکر شاہی میں مسلمانوں کی گھس پیٹھ کی سازش کا بڑا انکشاف' کرنے کا دعوی کر رہے ہیں۔ اسی متنازعہ ٹریلر کو رلیز ہونے کے بعد ملک میں شدید مخالفت جاری ہے۔