ہریانہ: کورونا وائرس کے 1698 نئے کیسز

ہریانہ کے صحت اور خاندانی بہبود کے محکمہ کے ذریعہ جاری کردہ بلیٹن کے مطابق ریاست میں کورونا انفیکشن سے مثبت شرح 6.67 فیصد ، صحتیابی کی شرح 83.01 فیصد ہے۔

ہریانہ میں گذشتہ تین روز سے کورونا انفیکشن کے معاملات میں کچھ کمی واقع ہوئی ہے۔ ریاست میں شام تک کورونا کے 1698 نئے کیسز سامنے آنے کے بعد، ریاست میں اس وبا سے متاثر مریضوں کی مجموعی تعداد 118554 ہو گئی ہے۔ وہیں ان میں سے 1255 افراد ہلاک اور 98410 مریض صحت یاب ہو چکے ہیں۔ ریاست میں اب بھی کورونا کے 18889 مریض زیرعلاج ہیں۔

ریاست کے صحت اور خاندانی بہبود کے محکمہ کے ذریعہ جاری کردہ بلیٹن کے مطابق ریاست میں کورونا انفیکشن سے مثبت شرح 6.67 فیصد ، صحتیابی کی شرح 83.01 فیصد ہے جبکہ اموات کی شرح 1.06 فیصد ہے۔ ریاست کے تمام 22 اضلاع کورونا کی گرفت میں ہیں اور ان میں انفیکشن کے کیسز بڑھ رہے ہیں۔ فرید آباد اور گروگرام کورونا کیسز کے معاملے میں سرفہرست ہیں۔