شادی شدہ ہو کر بھی کسی دوسرے کے ساتھ تعلقات میں رہنا جرم نہیں: ہائی کورٹ

پنجاب اور یریانہ ہائی کورٹ نے شادی شدہ ہونے کے باوجود دوسروں کے ساتھ افیئر ہونے کو جرم قرار دینے سے انکار کردیا ہے۔ کورٹ نے کہا کہ شادی شدہ ہونے کے باوجود پولیس کو ایسے لوگوں کے تحفظ کو یقینی بنانا چاہیے۔

چندی گڑھ: پنجاب اور ہریانہ ہائی کورٹ نے شادی اور محبت کے تعلق سے بڑا فیصلہ دیا ہے۔ ہائی کورٹ نے کہا کہ شادی شدہ ہونے کے باوجود کسی اور کے ساتھ افیئر ہونا جرم نہیں ہے۔ ایسی صورت حال میں ان کے تحفظ سے انکار نہیں کیا جا سکتا۔

کھنہ کے ایس ایس پی کو پنجاب میں محبت کرنے والے جوڑے کی حفاظت کو یقینی بنانے کا حکم دیتے ہوئے ہائی کورٹ نے واضح کیا کہ اگر جوڑے میں سے ایک پہلے سے شادی شدہ ہے تو بھی انہیں تحفظ سے انکار نہیں کیا جا سکتا اور یہ جرم نہیں ہے۔

ہائی کورٹ میں درخواست دائر کی گئی تھی۔ درخواست گزار نے عدالت کو بتایا کہ ان میں سے ایک شادی شدہ ہے اور ان کی طلاق کا معاملہ ہائی کورٹ میں زیر التوا ہے۔ دونوں ایک دوسرے کی مرضی سے رشتہ میں ہیں۔ عاشق کی بیوی اور ان کے گھر والوں سے عاشق جوڑے کی جان کو خطرہ ہے۔ اس کے ساتھ عاشق نے الزام لگایا ہے کہ ثمرالہ کا ایس ایچ او بیوی کی شکایت پر جوڑے کو مسلسل ہراساں کر رہا ہے۔ اس دوران انیتا اور دیگر بمقابلہ حکومت کے معاملے میں الہ آباد ہائی کورٹ کا حکم عدالت کے سامنے رکھا گیا۔

الہ آباد ہائی کورٹ نے کہا تھا کہ اگر جوڑے میں سے کوئی پہلے سے شادی شدہ ہے تو انہیں تحفظ نہیں دیا جا سکتا۔

پنجاب اور ہریانہ ہائی کورٹ نے کہا کہ وہ حکم کا احترام کرتی ہے لیکن وہ اس حکم سے متفق نہیں ہے۔ سپریم کورٹ پہلے ہی آرٹیکل 497 کو غیر آئینی قرار دے چکی ہے اور ایسی صورت حال میں محبت کرنے والے جوڑے کو تحفظ دینے سے انکار کیا جا سکتا ہے۔

ہائی کورٹ نے کہا کہ اس کے خیال میں جوڑے کا باہمی رضامندی سے تعلق رکھنا کسی بھی حالت میں غیر قانونی نہیں ہے۔ ہائی کورٹ نے اس معاملے میں پنجاب حکومت اور دیگر کو نوٹس جاری کرتے ہوئے ان سے جواب طلب کیا ہے۔ اس کے ساتھ ہی عدالت نے کھنہ کے ایس ایس پی کو پیار کرنے والے جوڑے کی حفاظت کو یقینی بنانے کا حکم دیا ہے۔