صحت اور کنبہ بہبود کی مرکزی وزارت نے بتایا کہ ایک مرکزی ٹیم کو پنجاب اور دیگر ٹیم کو چنڈی گڑھ بھیجا جارہا ہے، ہر ٹیم میں چنڈی گڑھ کے پی جی آئی ایم ای آر کے کمیونٹی میڈیسن کے ایک ماہر اور بیماریوں پر قابو پانے کے قومی مرکز (این سی ڈی سی) کے ایک وبا کے ماہر شامل ہوں گے۔
یہ ٹیم 10 دن تک وہاں رہے گی اور کنٹینمنٹ سرویلانس، ٹیسٹنگ اور کورونا مریضوں کے موثر میڈیکل منیجمنٹ میں ریاست اور مرکز کے زیر انتظام ریاست کی مدد کرے گی۔
پنجاب میں اب تک کورونا کے کل 60013 معاملے سامنے آئے ہیں، جن میں سے 15731 سرگرم معاملے ہیں، پنجاب میں اب تک کل 1739 لوگ کورونا انفیکشن کے سبب جان گنوا چکے ہیں۔
چنڈی گڑھ میں اب تک انفیکشن کے 5268 معاملے درج ہوئےہیں، جن میں سے 2095 سرگرم ہیں۔
مرکزی حکومت ان ریاستوں کو مدد دینے کے لیے مرکزی ٹیم کو وہاں بھیجتی ہے، جہاں کورونا انفیکشن اور کورونا کے سبب اموات کے زیادہ معاملے سامنے آتے ہیں، کورونا انفیکشن کی شروعات سے اب تک کئی مرکزی ٹیموں کو مختلف ریاستوں میں بھیجا گیا ہے۔