جھارکھنڈ میں بھوک سے معذور لڑکی کی موت

جھارکھنڈ کے ضلع بوکارو میں گزشتہ روز ایک معذور لڑکی کی بھوک سے ہلاک موت ہوگئی، قومی کمیشن برائے خواتین نے جھارکھنڈ کے چیف سکریٹری سکھدیو سنگھ کو تحقیقات کے لئے خط لکھا ہے۔

ریاست جھار کھنڈ کے ضلع بوکارو میں ایک لڑکی کی ہلاکت کے پیش نظر قومی کمیشن برائے خواتین نے بتایا'کہ یہاں بھوک کی وجہ سے ایک معذور لڑکی کی موت ہوگئی۔ کمیشن نے اس تعلق سے تحقیقات کے لئے جھارکھنڈ کے چیف سکریٹری سکھدیو سنگھ کو خط لکھا ہے۔

این سی ڈبلیو نے ٹویٹ کیاکہ "یہ ایک افسوسناک واقعہ ہے، ہم نے مزید تحقیقات کے لئے چیف سکریٹری سکھدیو سنگھ کو خط لکھا۔"

این سی ڈبلیو نے جھارکھنڈ جن ادھیکار مہاسبھا کے پوسٹ کردہ ایک ٹویٹ کا جواب دیا کہ یہ ریاست میں لوگوں کے حقوق دلانے اور جمہوریت کو بچانے کے لئے تشکیل دیا گیا ہے۔

اس تنظیم نے پہلے ٹویٹ کیا تھا کہ ضلع بوکارو میں ایک کنبہ دو دنوں سے بھوک سے مر رہا ہے۔ ان کے پاس نہ راشن کارڈ ہیں اور نہ ہی کچھ کھانے کی چیزیں۔

انہوں نے بتا یا تھا کہ ایک جسمانی طور پر معذور لڑکی کی حالت تشویشناک ہے۔ مقامی افراد فوری مدد کا بندوبست کر رہے ہیں۔لیکن طبی امداد کی ضرورت ہے۔

تنظیم نے بعد میں ٹویٹر کے ذریعے بتایا کہ معذور لڑکی، مینا کی موت ہوگئی ہے۔

"وہ پچھلے کچھ دنوں سے علیل تھیں۔ وہ ایک انتہائی غریب گھرانے سے تعلق رکھتی تھیں اور ان کے پاس راشن کارڈ نہیں تھا۔ گذشتہ دنوں ان کی بھوک کے سبب موت واقع ہو گئی۔

لیکن مقامی انتظامیہ اور پنچایت نے لڑکی کے والدین کے ذریعے ایک خط پر انگوٹھے کے نشان لگا کر اس بات کی تصدیق کی ہے کہ موت کا سبب بھوک نہیں تھا۔