تصادم میں چھ نکسلی گرفتار

چھتیس گڑھ کے ضلع دنتے واڑہ کی پولیس نے نکسل مخالف خصوصی مہم کے تحت آج چھ نکسلیوں کو گرفتار کرلیا۔ پولیس نکسلیوں کی گرفتاری کو بڑی کامیابی قراردے ری ہے۔

بستر رینج کے انسپکٹر جنرل آف پولس وویکانند سنہا نے بتایا کہ مارجوم تھانے سے مشترکہ پولیس فورس کو گشت کے لئے روانہ کیا گیا تھا۔

پولیس کی جنبگل میں خصوصی چھاپہ ماری مہم کے دوران نکسلیوں نے پولیس پر فائرنگ شروع کر دی۔جوابی کارروائی میں پولیس نے بھی فورا ًمورچہ سنبھالتے ہوئے فائرنگ شروع کردی۔

تقریبا ایک گھنٹے کے تصادم کے بعد بالآخر نکسلی گھنے جنگل اور پہاڑی کی مدد سے بھاگنے لگے، جن کا پیچھا کرکے چھ نکسلیوں کو گرفتار کرلیا گیا۔

گرفتار شدہ نکسلیوں میں پي ڈے بیک، پسو كواسي، پايكو بیكو، فاگون مڈكامي، سنا كڑامي اور پوجا كڑامی شامل ہیں۔