مدھیہ پردیش کے وزیر داخلہ ڈاکٹر نروتم مشرا Narottam Mishra Minister for Home Affairs MP نے آج کہا کہ ریاست میں ’بلی بائی ایپ‘ کے خلاف ابھی تک کوئی شکایت موصول نہیں ہوئی ہے، اگر کوئی شکایت سامنے آئی تو کارروائی کی جائے گی۔
نامہ نگاروں سے بات چیت کے دوران ڈاکٹر مشرا نے کہا کہ اس قسم کی ایپ انتہائی قابل مذمت ہے۔ عورت خواہ کسی بھی طبقے سے تعلق رکھتی ہو وہ قابل احترام ہے۔ ابھی تک اس ایپ کے سلسلے میں ریاست میں کوئی شکایت موصول نہیں ہوئی ہے، اگر کوئی شکایت موصول ہوتی ہے تو اس ایپ کے خلاف کارروائی کی جائے گی۔
وزیر داخلہ نے کہا کہ مرکز کی نریندر مودی حکومت تین طلاق کا قانون لائی، اس کے پیچھے بھی خواتین کا احترام سب سے بڑا محرک تھا۔