'یونانی ذریعے علاج سے کورونا متاثرین شفایاب ہو رہے ہیں'

مدھیہ پردیش میں دیگر ذریعے علاج کے ساتھ ساتھ اب طب یونانی کے ذریعے بھی کورونا وائرس سے متاثرین کا علاج کیا جا رہا ہے، اور اس ذریعے علاج سے کافی متاثرین کورونا وبا سے شفایاب ہورہے ہیں۔

ریاست مدھیہ پردیش محکمہ صحت نے کورونا وبا سے جنگ میں سب ہی پیتھیوں کو شامل کیا گیا ہے- جس میں بھوپال کے سید ضیاء الحسن یونانی میڈیکل کالج میں کووڈ -19 سینٹر بنایا گیا ہے، جہاں 1 جون سے اب تک 34 مریضوں کا علاج جاری ہے۔

ہفتہ کے روز یہاں سے 27 مریض صحت یاب ہو کر اپنے گھروں کو خوشی کے ساتھ روانہ ہوگئے ہیں۔ حکیم سید ضیاء الحسن یونانی میڈیکل کالج میں 'محکمہ آیوش کی ایڈوائزری' کے مطابق یونانی دوا عرق زید، جوشاندہ اور خمیرہ دیا جا رہا ہے۔

اور ساتھی ایلوپیتھک دوا دی جا رہی ہے- یہاں مریضوں کے کھانے پینے کا خاص خیال رکھا جا رہا ہے اور وقت وقت پر ان کی کونسلنگ کی جا رہی ہے۔

یہاں موجود نوڈل افسر کا کہنا ہے کہ' اس یونانی کووڈ سینٹر پر جتنے مریض آرہے ہیں وہ صحت یاب ہوکر جا رہے ہیں ان کے مطابق یہاں مریضوں کو ایلوپیتھک کے ساتھ یونانی دوائیں بھی دی جارہی ہیں جو کہ کافی مفید ثابت ہو رہی ہے-