مدھیہ پردیش: غیرقانونی طور پر ہتھیار بنانے کے الزام میں دو افراد گرفتار

پولیس نے مدھیہ پردیش میں ضلع مورینا کے پورسا تھانہ علاقے میں غیر قانونی ہتھیار بنانے والی فیکٹری پر پولیس نے چھاپہ مار کر غیر قانونی ہتھیاروں کا بڑا ذخیرہ برآمد کیا اور دو ہتھیاراسمگلروں کو موقع پرگرفتار کیا ہے۔

پورسا تھانہ کے انچارج رام پال سنگھ جادون نے بتایا کہ پولیس کو مخبر سے اطلاع ملی کہ جوٹائی گاؤں میں پنچایت انتخابات میں تشدد پھیلانے کے لیے غیر قانونی ہتھیاروں کے اسمگلر بڑی فیکٹری چلا کر ہتھیار تیار کررہے ہیں۔ اطلاع کی بنیاد پر پولیس نے گزشتہ روز فیکٹری پر چھاپہ مار کر وہاں سے بیس دیسی کٹے، دو پستول، بھاری مقدار میں کارتوس اور ہتھیار بنانے کا سامان برآمد کیا۔

پولیس نے موقع سے ہتھیاروں کی اسمگلنگ کرنے والے دو ملزمین اشوک سنگھ پرمار اور برجیندر سنگھ تومر کو گرفتار کیا ہے، جبکہ ان کے دو ساتھی راگھویندر سنگھ سیکروار اور ناہر سنگھ سکھوار چکمہ دے کر فرار ہو گئے ۔ پولیس نے ملزمان کے خلاف آرمز ایکٹ تحت معاملہ درج کرکے ان سے پوچھ گچھ شروع کردی ہے۔

یو این آئی