کورونا وائرس سے سگے بھائیوں کی موت

ریاست مدھیہ پردیش کے صنعتی شہر اندور میں کورونا وائرس سے دو سگے بھائیوں کی موت واقع ہو گئی ہے، بتایا جا رہا ہے کہ یہ دونوں بھائی سونے کا کاروبار کرتے تھے۔

اس کی موت سے اندور کے صرافہ کاروباریوں میں تشویش پائی جا رہی ہے وہیں ریاست میں کورونا وائرس سے ہلاکتوں کی تعداد میں مسلسل ہورہا اضافہ بھی لوگوں کی تشویش کا باعث بنتا جا رہا ہے۔

ہلاک شدگان کا مہیش تیواری اور گھنشام تیواری کے طور پر شناخت ہوئی ہے، بتایا جا رہا ہے کہ دوںوں اسپتال میں زیر علاج تھے اور یہاں ان کا کورونا کا علاج چل رہا تھا، علاج کے دوران دونوں بھائیوں کا 15 منٹ کے وقفے کے بعد انتقال ہو گیا۔

اندور میں کورونا وائرس کے متاثرہ مریضوں کی تعداد میں مسلسل اضافہ ہوتا جا رہا ہے حالانکہ اس دوران 39 افراد اس بیماری سے صحتیاب بھی ہو گئے ہیں، انتظامیہ اور محکمہ صحت کی جانب سے تمام تر اقدامات کیے جا رہے ہیں۔