بھوپال :برادر ہوڈ بوائے مسلم گروپ کا کارنامہ قابل ستائش

بھوپال کے (بی بی ایم) یعنی برادر ہوڈ بوائے مسلم گروپ نے ملک میں شہریت ترمیمی قانون کی پر زور مخالفت کی تھی عالمی وبا کورونا وائرس کے دوران یہ گروپ مسلسل سرگرم عمل رہا ہے اور اب ان لاک ون میں مسجد سمیت دیگر عبادت گاہوں کو سینیٹائز کرنے کام یہ گروپ کر رہا ہے۔

ریاست مدھیہ پردیش کے دارالحکومت بھوپال میں شہریت ترمیمی قانون کی مخالفت میں پیش پیش رہنے والے 'بی بی ایم' گروپ نے عالمی وباکورونا وائرس کے دوران مہاجر مزدوروں کی بھرپور تعاون کیا۔

اس بی بی ایم گروپ نے اب ان لاک ون کے نفاذ کے بعد سے مسلسل مذہبی مقامات کو سینیٹائز کرنے کا بیڑا اٹھایا اور مسلسل اس کام میں لگے ہوئے ہیں۔ اس گروپ نے بھوپال کے سبھی مذہبی مقامات کو سینیٹائز کرنے کا کام شروع کر دیا ہے جو بدستور جاری ہے-

بی بی ایم گروپ کے ذمہ دار کے مطابق اب تک 30 سے 35 مسجدوں کو سینٹائز کیا جا چکا ہے۔ اب یہ گروپ مسجدوں کے ساتھ مندروں، گرجا گھروں اور گروداروں سے بھی رابطہ کر رہا ہے تاکہ ان عبادت گاہوں کو سینیٹائز کیا جا سکتا ہے۔