بھوپال، جبلپور اوراندور میں سات ماہ بعد ایک بار پھر اتوار کا لاک ڈاؤن نافذ

مدھیہ پردیش کے اندرایک دن میں 1 ہزار 140 کورونا مثبت کیسیز ملے ہیں، جس کے پیش نظر بھوپال، اندور اور جبلپور میں اتوار کو اب مکمل لاک ڈاؤن رہے گا، اس دوران سبھی اسکول اور کالجز 31 مارچ تک بند رہیں گے۔

ریاست مدھیہ پردیش میں پورے ملک کے ساتھ 21 مارچ 2020 کو کورونا وائرس کے بڑھتے معاملے کے سبب لاک ڈاؤن نافذ کر دیا گیا تھا اور آج 21 مارچ 2021 کو پورے ایک سال مکمل ہو چکے ہیں، آج کے دن دوبارہ پھر دارالحکومت بھوپال میں ایک بار کرونا وائرس متاثرین کی تعداد میں اضافہ کی وجہ سے لاک ڈاؤن کی حالات پیدا ہو گئ ہے۔ جس کے بعد ریاست کے کچھ اضلاع میں اب ہر اتوار کو لاک ڈاؤن رہے گا۔

آپ کو بتادیں کہ ریاست مدھیہ پردیش میں دوبارہ لاک ڈاؤن نافذ کرنے کا اعلان کیا گیا ہے، کیونکہ پورے صوبے میں 1 ہزار 140 متاثرین کی تصدیق ہوئی ہے۔ جس کے بعد صوبائی حکومت نے سب سے زیادہ متاثر بھوپال، اندور اور جبلپور میں اتوار کو لاک ڈاؤن لگانے کا فیصلہ کیا ہے جو کہ اتوار سے شروع ہوگیا ہے اور اگلے اعلان تک جاری رہے گا۔

لاک ڈاؤن میں صنعتی علاقوں کے علاوہ صرف ضروری خدمات ہی دستیاب ہونگے ان تین شہروں کے اسکولز و کالجز 31 مارچ تک بند رہیں گے، اتوار کو ہونے والے مقابلہ جاتی امتحانات پر پر روک نہیں لگائی جائیں گی۔ پبلک ٹرانسپورٹ پر بھی پابندی عائد کی گئی ہے لیکن وہیں نجی گاڑیوں سے لوگ آمد و رفت کرسکتے ہیں۔

بھوپال ضلع انتظامیہ نے پورے بھوپال میں لاک ڈاؤن کے مدنظر سخت انتظامات کیے ہیں، جس میں سبھی مارکیٹ پورے طور پر بند کر دیئے گئے ہیں اور سبھی جگہوں پر بیریکٹس لگاکر سبھی انتظام چست درست کر رکھے ہیں۔