ریاست مدھیہ پردیش کے دارالحکومت بھوپال میں بے قابو ہوتے کورونا انفیکشن مریضوں میں مسلسل اضافہ ہورہا ہے جس کی وجہ سے آکسیجن بیڈ کم پڑنے لگے ہیں۔
آکسیجن بیڈ نہ ملنے سے بہت سے مریض دم توڑ رہے ہیں ایسے نازک حالات میں بھوپال کے نوجوانوں نے حمید منزل میں آکسیجن بیڈ کے ساتھ کووڈ کیئر سینٹر کا افتتاح کیا ہے اور یہاں پر ڈاکٹروں کی نگرانی میں کام کیا جا رہا ہے۔
دراصل بھوپال میں شدید بیمار مریضوں کو آکسیجن بیڈ ملنا مشکل ہو رہا تھا اور اس کی وجہ سے مریضوں کا زیادہ وقت بھی برباد ہونے کے ساتھ ساتھ مریض کی موت بھی واقع ہو رہی تھی، انہیں سب حالات کو دیکھتے ہوئے حمید منزل میں کووڈ کیئر سینٹر کو شروع کیا گیا ہے۔
کووڈ کیئر سینٹر کو بنانے کا مقصد صرف یہ ہے کہ کسی بھی مریض کو آکسیجن بیڈ کی تلاش کرنے میں جان نہ جائے، اس سینٹر میں ان مریضوں کو ہی رکھا جائے گا جنہیں آکسیجن بیڈ نہیں مل رہا ہے اور جیسے ہی بیڈ کا انتظام ہسپتال میں ہوگا انہیں اس اسپتال میں شفٹ کر دیا جائے گا۔
