شیوراج نے کملناتھ کے ساتھ ساتھ دگوجے کو بھی نشانہ بنایا

مدھیہ پردیش کے وزیراعلیٰ شیوراج سنگھ چوہان نے آج ریاست کے دو سابق وزراے اعلیٰ کملناتھ اور دگوجے سنگھ پر تنقید کرتے ہوئے کہاکہ کانگریس چھوڑنے والے لیڈروں کو بکاو کہنے سے پہلے انہیں اپنے گریباں میں جھانکنا چاہئے۔

وزیر اعلیٰ شیوراج سنگھ چوہان نے مدھیہ پردیش کے سواسرا اسمبلی حلقہ کے تحت آنے والے گراڑیا پرتاپ میں بی جے پی کے امیدوار ہردیپ سنگھ ڈنگ کے حق میں انتخابی جلسہ سے خطاب کیا۔

انہوں نے آج بھوپال میں کانگریس اور اسمبلی کا عہدہ چھوڑ کر بی جے پی میں شامل ہونے والے راہل سنگھ کے نام کا ذکر کرتے ہوئے کہا کہ کانگریس کے لیڈروں نے پھر سے بکاو بکاو کا گانا شروع کردیا ہے، اصل میں کانگریس کے لیڈروں کو سوچنا چاہئے کہ ان کے اراکین اسمبلی ایسا کرنے کیلئے مجبور کیوں ہورہے ہیں۔

انہوں نے کہا کہ کانگریس کے لیڈروں کو اپنے اراکین اسمبلی اور ان کے ساتھ برسوں تک کام کرنے والوں کو بکاو کہتے ہوئے شرم نہیں آتی ہے۔

وزیراعلی نے کہاکہ موتی لال نہرو اور سبھاش چندر بوس نے بھی کانگریس چھوڑی تھی، یہی نہیں سابق وزیراعلی کے بھائی بھی کانگریس چھوڑ کر بی جے پی میں شامل ہوئے تھے، تو کیا کانگریس ان تمام کو بکاو مانتی ہے۔