جلوس غوثیہ کا اہتمام، ہزاروں لوگ شامل

ریاست مدھیہ پردیش کے دارالحکومت بھوپال کی سنی ثقلینی جامع مسجد کے زیر اہتمام ہر برس کی طرح اس برس بھی جلوس غوثیہ نکالا گیا جس میں کثیر تعداد میں لوگوں نے شرکت کی۔

اس موقع پر مولانا مفتی ریحان صاحب نے حضرت غوث پاک کی زندگی و حیات پر روشنی ڈالتے ہوئے فرمایا کہ سرکار غوث پاک رضی اللہ عنہ تعالی نے اپنی زندگی میں لوگوں میں سب سے زیادہ کھانا کھلانا پسند کیا اور جو لوگوں کو کھانا کھلاتا ہے اسے کبھی رزق کی کمی نہیں ہوتی ہے۔

سرکار غوث پاک تمام اولیاء اللہ اور صوفیاء کرام کے سردار ہیں۔ اس موقع پر جلوس کے اختتام کے بعد لنگر عام کا اہتمام کیا گیا اور ملک میں امن و امان کے لیے خصوصی دعائیں بھی کی گئی۔