نئی ایجوکیشن پالیسی پر میٹنگ بلائی گئی

ریاست مدھیہ پردیش کے دارالحکومت بھوپال میں تعلیمی اداروں کے ذمہ داران نے مرکز کے ذریعے تجویز کیے گئے نئے تعلیمی پالیسی پر آج میٹنگ بلائی۔

اس موقع پر ڈاکٹر محمد عارف جنید خان نے ای ٹی وی بھارت کو بتایا کہ مرکزی حکومت نے جو نئی تعلیمی پالیسی سے بنائی ہے اس پر میٹنگ رکھی گئی تھی-

انہوں نے کہا کہ مرکز نے 484 صفحات پر مشتمل ایک ڈرافٹ تیار کیا ہے اور لوگوں سے اس پر اپنی رائے طلب کی ہے کہ ڈرافٹ میں کوئی ایسی بات تو نہیں جس سے ہمارے دستوری ڈھاچے کو نقصان پہنچ سکتا ہو-

انہوں نے کہا کہ نئی تعلیمی پالیسی میں اچھی بات یہ ہے کہ پرائمری ایجوکیشن کے طالبات کو ان کی مادری زبان میں تعلیم دینے کی بات کہی ہے-

انہوں نے کہا اگر طلباء کو ان کی مادری زبان میں پرائمری ایجوکیشن دی جائے گی تو وہ اپنی زبان میں ماہر ہو جائیں گے اور آگے کی کلاسیس میں مضبوط بنے رہیں گے-

اس موقع پر زکوۃ فاؤنڈیشن کے سربراہ ڈاکٹر ظفر محمود نے کہا کہ وزارت تعلیم نے کہا ہے کہ اسپیشل ایجوکیشن زون تیار کیا جائے گا۔

انہوں نے کہا اس تعلیمی پالیسی میں مدرسوں کے لیے خاص جگہ ہونی چاہیے کیونکہ ملک میں مدرسے بڑی تعداد میں موجود ہیں۔