مدھیہ پردیش:کورونا متاثرین کی تعداد 388، تیس کی موت

مدھیہ پردیش میں آج کورونا متاثرین کے نئے 47 معاملے ملنے کے بعد ریاست میں اس سے متاثرین کی تعداد بڑھ کر 388 ہو گئی، وہیں اس بیماری سے ریاست میں اب تک 30 مریضوں کی موت ہوچکی ہے۔

سرکاری اطلاعات کے مطابق اندور میں 40 نئے مریض ملنے کے بعد وہاں متاثرین کی تعداد بڑھ کر 213 ہو گئی جبکہ یہاں چھ افراد کی موت کے بعد مرنے والوں کی تعداد 22 ہو گئی۔

اس کے علاوہ گزشتہ رات آئی جانچ رپورٹ میں كھنڑوا میں چار جماعتی، ودیشا میں آٹھ سالہ ایک بچی اور چھندواڑہ میں دو کورونامثبت معاملے سامنے آئے ہیں۔ دارالحکومت بھوپال میں اب تک 94 کورونامتاثرین کا پتہ لگا ہے، جس میں ایک موت ہوئی ہے۔

اس کے علاوہ اجین میں 15، گوالیار میں 6، جبل پور میں 8، شوپوری میں دو، كھرگون میں 4، كھنڑوا میں 5، مرینا میں 12، چھندواڑہ میں 4، ودیشا میں 2، بڈوانی میں 3، بیتول اور شیوپور میں ایک ایک شخص کورونا سے متاثر ہوچکا ہے۔ انہیں ملاکر ریاست میں اب تک 388 لوگ کورونا سے متاثر ہو چکے ہیں۔

اندور میں چھ مریضوں کی موت کے بعد یہاں مرنے والوں کے تعداد بڑھ کر 22 ہو گئی ہے۔ اسی طرح اجین میں اب تک اس بیماری سے 5 اموات ہو چکی ہیں۔ وہیں كھرگون اور چھندواڑہ میں بھی ایک- ایک مریض کی موت ہوئی ہے۔

ریاست میں اب تک اس بیماری سے 30 افراد ہلاک ہوئے، جس میں سب سے زیادہ 22 مریضوں کی اندور میں موت ہوئی ہے۔ اندور اور بھوپال میں کورونا متاثرین کی تعداد سب سے زیادہ ہے۔

ریاست میں کورونا کے بڑھتے ہوئے معاملات کے درمیان اب تک 25 لوگ صحت مند بھی ہوئے ہیں، جس میں سب سے زیادہ اندور میں 17، بھوپال میں دو، جبل پور میں تین، گوالیار میں دو، شوپوری میں ایک مریض صحت مند ہوا ہے۔