مدھیہ پردیش میں سیاسی بحران

مدھیہ پردیش میں سیاسی گہما گہمی زوروں پر ہے۔ وزیر اعلیٰ کمل ناتھ اور جیوتی رادتیہ سندھیا آمنے سامنے ہیں۔ ایسے میں ہولی پر بی جے پی جیوتی رادتیہ سندھیا کے ذریعہ کمل ناتھ کے رنگ میں بھنگ ڈالنے کی تیاری میں ہے۔

جیوتی رادتیہ سندھیا کے وزیر اعظم سے ملنے کے بعد بی جے پی میں شامل ہونے کی قیاس آرائی تیز ہوگئی ہے۔ بتایا جارہا ہے کہ بی جے پی انہیں مدھیہ پردیش سے راجیہ سبھا کا امیدوار بناسکتی ہے۔

بی جے پی کے ذرائع کے مطابق سندھیا کی ملاقات مودی اور شاہ سے ہوچکی ہے۔ وہیں سندھیا کے استعفیٰ کے بعد کانگریس اور بی جے پی پارٹیوں میں میٹنگوں کا دور شروع ہوگیا ہے۔ مدھیہ پردیش بی جے پی دفتر میں جہاں سابق وزیر اعلیٰ شیوراج سنگھ چوہان کی قیادت میں میٹنگ جاری ہے۔ وہیں کانگریس کے اعلیٰ رہنما حکومت کو لے کر کافی فکرمند ہے۔