مدھیہ پردیش کے وزیر داخلہ نروتم مشرا نے راہل گاندھی پر کیا طنز

عمر بھر غالب یہی بھول کرتا رہا ۔دھول چہرے پر تھی اور آئینہ صاف کرتا رہا۔ ریاست کے وزیر داخلہ نے راہل گاندھی پر طنز کرتے ہوئے کئی سوال پوچھے اور اپنی کامیابی کو گنایا۔

ریاست مدھیہ پردیش کے دارالحکومت بھوپال میں ریاست کے وزیر داخلہ نروتم مشرا نے راہل گاندھی کے بیان پر کہا کہ وہ صرف الزام پر الزام لگاتے ہیں۔ وہ اپنی غلطیوں کو ٹھیک کریں۔ انہوں نے کہا ہم کام کر رہے ہیں پر کانگریس نے جھوٹے وعدے کیے تھے۔کانگریس نے جو اپنا انتخابی منشور جاری کیا تھا اس کی ایک بات بھی پوری نہیں کی اور اب ہم میدان میں کام کر رہے ہیں۔ ہمارے ملک سے لے کر صوبائی حکومت میں مندر بنانے کا وعدہ کیا تھا وہ پورا کیا پر کانگریس اس میں کئی طرح کی پریشانیاں کھڑی کر رہی ہے۔

نروتم مشرا میں نے کہا ہم نے کشمیر میں 370 اور 35 اے نافذ کرنے کی بات کی تھی تین طلاق کو ہٹانے کی بات کہی تھی اور شہریت ترمیمی بل کو نافذ کرنے کا وعدہ اپنے انتخابی منشور میں کیا تھا جسے ہم نے پورا کیا ہے ۔انہوں نے کہا کہ کانگریس نے جو انتخابی منشور تیار کیا تھا اسے کتنا پورا کیا نہ تو کسانوں کا قرض معاف ہوا ،نہ نوجوانوں کے لیے روزگار کا انتظام کیا گیا ،بیٹیوں کو اسکوٹی دینے کی بات کہی گئی تھی وہ بھی پورا نہیں کیا گیا۔کانگریس نے ہمیں ایک بیمار ریاست دی تھی جسے ہم نے ترقی پر گامزن کیا ہے۔