مدھیہ پردیش: کورونا متاثرین کی تعداد 22 ہزار سے تجاوز

مدھیہ پردیش میں مثبت مریضوں کی کل تعداد 22 ہزار 600 اور دارالحکومت بھوپال میں 4 ہزار 618 ہوگئی ہے۔

ریاست مدھیہ پردیش میں کورونا وائرس کا قہر مزید طول پکڑتا جا رہا ہے، صوبے میں آج 837 اور بھوپال میں 149 نئے کورونا مثبت مریض ملے ہیں۔ ایک دن میں اب تک کی یہ سب سے زیادہ تعداد ہے-

صوبے میں اب مثبت مریضوں کی کل تعداد 22 ہزار 600 اور دارالحکومت بھوپال میں 4 ہزار 618 ہوگئی ہے۔

بھوپال میں متاثرین کی تعداد بڑھنے کے ساتھ ہی صحتیاب ہونے والوں کی تعداد کم ہوتی جا رہی ہے۔ اَن لاک ون میں ریکوری ریٹ 89.76 فیصد تھا، جو اب گھٹ کر محض 46.14 فیصد رہ گیا ہے-

حالانکہ صوبے کے ریکوری ریٹ میں محض 3.26 فیصد کی گراوٹ ہے۔ یہ پہلے 71 فیصد تھا جو حال میں 67.74 فیصد ہوگیا ہے۔

صوبے میں ابھی 51 ضلع کورونا وائرس سے متاثر ہیں - ہسپتالوں میں بھی گذشتہ دس دنوں کے مطابق مریض زیادہ تعداد میں آ رہے ہیں- اس کے علاوہ ابھی جو مریض آ رہے ہیں ان میں کورونا وبا کے اثرات پائے جا رہے ہیں۔ پہلے دس سے بیس مریض ہی وینٹیلیٹرز پر ہوتے تھے، لیکن اب 30-35 مریضوں کو آکسیجن لگایا جا رہا ہے- یہی وجہ ہے کہ ریکوری ریٹ میں کمی آئی ہے-