وزیر داخلہ نروتم مشرا نے کورونا اپڈیٹ جاری کیا

ریاست مدھیہ پردیش کے وزیر داخلہ نروتم مشرا نے نامہ نگاروں سے بات کرتے ہوئے کہا کہ آج پوری ریاست میں 5 ہزار 65 نئے کیس سامنے آئے ہیں۔ 10 ہزار 3 سو 37 لوگ صحت یاب ہو کر اپنے گھروں کو لوٹ گئے ہیں۔ یہ اپنے آپ میں ڈبل ڈیٹا ہے۔

وزیر داخلہ نروتم مشرا نے کہا اب ہسپتالوں میں کافی تعداد میں بیڈ موجود ہیں۔ ہسپتالوں میں وینٹیلیٹر بھی کافی تعداد میں موجود ہے۔ آئی سی یو ،سی سی یو میں بھی کافی زیادہ جگہ ہے۔اب ریاست میں آکسیجن کی بھی کوئی پریشانی نہیں ہے۔

انہوں نے مزید کہا کہ ریاست میں دو شہروں اندور اور کھرگون میں انفیکشن ریٹ زیادہ تھی، جو اب کم ہو کر اندور میں 10.5 اور کھرگون میں 8.26 فیصد رہ گئی ہے اور پورے صوبے کی انفیکشن ریٹ کی بات کریں تو وہ 6.9 فیصد رہ گئی ہے۔ گوالیار میں 3.44 فیصد اور مرینا میں 6.7 بچی ہے، جوکہ یہ اپنے آپ میں ایک اچھا اشارہ ہے۔

ریاست کے وزیر داخلہ نروتم مشرا نے کہا ہے کہ ریاست کے وزیر اعلی شیوراج سنگھ چوہان نے اس بات کا بھی اشارہ کیا ہے کہ بھوپال میں 25 مئی سے کورونا کرفیو میں کچھ شرطوں کے ساتھ راحت مل سکتی ہے ۔اسی طرح سے پوری ریاست کے اضلاع میں بھی دھیرے دھیرے کورونا کرفیو سے راحت دی جائیگی۔