'نفرت انگیز ویڈیو کی تشہیر صحیح نہیں'

ریاست مدھیہ پردیش کے دارالحکومت بھوپال میں نیشنل سیکولر فورم بھوپال کی جانب سے لیکچر پروگرام کا اہتمام کیا گیا۔

اس میں ڈیموکریٹک پارٹی کی رکن طلعت خان نے شرکت کی اور بھارت کے موجودہ سیاسی و سماجی حالات پر اظہار خیال کرتے ہوئے کہا کہ انہوں نے سوشل سائٹس پر دیکھا ہے کہ بھارت میں چند لوگ کچھ ویڈیو ڈال کر نفرت پھیلانے کا کام کر رہے ہیں جو کہ ایک ملک کے لیے اچھا نہیں ہے۔

انہوں نے کہا کہ بھارت ایک ایسا ملک ہے جو امن کا پیغام دیتا ہے لہذا متنازع ویڈیو سے ملک کی گنگا جمنی تہذیب کو نقصان پہنچے گا۔

واضح رہے کہ طلعت خان سیاسی اور سماجی کارکن ہیں جو کیلیفورنیا میں گذشتہ 30 تا 35 برسوں سے وہاں پر کام کر رہی ہیں۔

وہ خاص طور سے خواتین کے لیے شیلٹر ہوم اور خواتین سے جڑے جرائم کی روک تھام کے لیے کام کر رہی ہیں۔

اس کے ساتھ ہی وہ گذشتہ 14 برسوں سے کیلیفورنیا میں ڈیموکریٹک پارٹی کی ترجمان ہیں۔