ہنی ٹریپ معاملے سے حکومت کی مشکلات میں اضافہ

ریاست مدھیہ پردیش کے وزیر اعلی سے اس معاملے سے جڑے لوگوں کا نام عوام کے سامنے پیش کرنے کا مطالبہ کیا ہے۔

مدھیہ پردیش میں پرگتی سماجوادی پارٹی کے زیر اہتمام پریس کانفرنس کا انعقاد کیا گیا- جس میں پارٹی کے صدر شمس الحسن نے ریاستی حکومت سے مطالبہ کیا ہے کہ ہنی ٹریپ معاملے میں گرفتار خواتین کے ذریعے جن ناموں کا خلاصہ کیا گیا ہے اسے عوام کے سامنے لایا جائے۔

انہوں نے کہا عوام کو یہ معلوم ہونا چاہیے کہ ان کے ذریعے منتخب افسران کے چال چلن کس طرح کے ہیں اور وہ کون لوگ ہیں۔

انہوں نے اشاروں اشاروں میں کہا کہ ہنی ٹریپ معاملے میں دو سابق وزیر اعلی، دو سابق وزیر خار جہ، دو سابق رکن پارلیمان اور کئی افسران شامل ہیں۔