کورونا بحران کے درمیاں غائب رہے ڈاکٹروں کو نوٹس

ریاست مدھیہ پردیش کے شہر اندور میں ڈیوٹی کے دوران غائب رہنے پر دس ڈاکٹروں کو وجہ بتاو نوٹس جاری کیا ہے، یہ سبھی سرکاری ڈاکٹرز آن لائن نوٹس بھیجے جانے کے بعد بھی کام پر نہیں آرہے تھے۔

ملک بھر میں کورونا وائرس کے مریضوں میں بے تحاشہ اضافہ ہو رہا ہے مدھیہ پردیش کا شہر اندور کورونا سے سب زیادہ متاثر ہے، ایسے میں شہر میں ڈاکٹروں کی کمی بھی محسوس کی جانے لگی ہے۔

ڈاکٹروں کو کورونا وائرس سے حفاظت کے لیے چیزیں مہیا نہیں ہو پا رہی ہیں، جس سے ڈاکٹرز بھی خوف محسوس کررہے ہیں، ایسے ڈاکٹرز جو ریٹائرمنٹ کے قریب ہیں انہیں بھی ڈیوٹی پر مامور کر دیا گیا ہے، لہٰذٓا ڈاکٹر کورونا کے خوف کی وجہ سے ڈیوٹی نہیں کررہے ہیں، ان تمام صورتحال کو نظر انداز کرتے ہوئے ضلع انتظامیہ اب اسپتالوں سے غائب رہنے والوں داکٹروں کے خلاف کارروائی کررہا ہے۔

کلیکٹر منیش سنگھ کا صاف طور پر کہنا ہے کہ غائب رہنے والے ڈاکٹروں کو ملازمت سے برخاست کیا جائے گا۔