مدھیہ پردیش میں ایک بار پھر کورونا کیسز میں تیزی

مدھیہ پردیش میں کورونا مریضوں کی تعداد میں ایک بار پھر اضافہ ہونے لگا ہے۔ اتوار کے روز 22 نئے مریض ملے ہیں۔ وہیں سنیچر کے روز بھی اتنے ہی نئے کیس سامنے آئے تھے۔

اس سے قبل پانچ اگست کو پورے صوبے میں 28 مریض ملے تھے۔ تشویشناک بات یہ ہے کہ نئے مریضوں کے ملنے کے مقابلے میں پرانے مریضوں کے ٹھیک ہونے کی تعداد کم ہے۔ اتوار کے روز صرف 14 مریض ہی ٹھیک ہوئے ہیں۔ اچھی بات یہ ہے کہ ریاست میں کل 7 لاکھ 92 ہزار 259 مریضوں میں سے 7 لاکھ 81 ہزار 621 مریض ٹھیک ہوچکے ہیں۔

اتوار کو ملے 22 نئے مریضوں میں سب سے زیادہ نو مریض اندور کے شامل ہیں۔ ان کے علاوہ جبل پور میں 6، بھوپال میں 3 کے ساتھ انوپ اور دھار میں دو۔ دو مریض ملے ہیں۔

وہیں وزیر تعلیم میڈیکل ایجوکیشن وشواس سارنگ نے کہا کہ فکر کرنے کی ضرورت نہیں ہے، کیونکہ حکومت اپنے ذریعہ سے پوری کوشش کررہی ہے کہ کورونا کے معاملے میں اضافہ نہ ہو اور ایسے میں ہر طرح سے احتیاط برتی جارہی ہے۔