مدھیہ پردیش: رکن اسمبلی بنواری لال شرما کا انتقال

مدھیہ پردیش کے مرینا ضلع کے جورا سے کانگریس کے رکن اسمبلی بنواری لال شرما کا آج انتقال ہوگیا۔

وہ کینسر سے متاثر تھے اور گزشتہ کچھ دنوں سے ان کا علاج چل رہا تھا۔ آج صبح سویرے ایک پرائیویٹ اسپتال میں انہوں نے آخری سانس لی۔ وہ تقریبا 61برس کے تھے۔ ان کے کنبہ میں بیوی، دو بیٹے اور ایک بیٹی ہے۔
مدھیہ پردیش کے وزیراعلی کمل ناتھ نے ان کے انتقال پر گہرے دکھ کا اظہارکیا، ان کی روح کو سکون اور غمزدہ خاندان کو یہ دکھ برداشت کرنے کی طاقت دینے کی دعا کی۔
اسمبلی میں اپوزیشن کے رہنما گوپال بھارگو نے بھی ان کے انتقال پر تعزیت کا اظہار کرتے ہوئے انہیں خراج عقیدت پیش کیا۔