کانگریس کسان احتجاج کے نام پر کر رہی ہے سیاست: شیوراج سنگھ

شیوراج سنگھ چوہان نے کانگریس کسانوں کے احتجاج کے تعلق سے کانگریس پر طنز کیا اور زرعی قانون کی حمایت کی۔

ریاست مدھیہ پردیش کے وزیر اعلی شیوراج سنگھ چوہان نے زرعی قانون پر چل رہے احتجاج پر کہا کہ کانگریس کسانوں کے احتجاج کی آڑ میں سیاست کر رہی ہے۔ انہوں نے راہل گاندھی پر طنز کرتے ہوئے کہا کہ کانگریس کے رہنماؤں کو یہ تک نہیں معلوم کہ آلو زمین سے نکلتا ہے یا مشین سے۔

انہوں نے کہا کہ مرکز کے کسانوں کے لیے بنائے گئے تینوں قانون ان کے فائدے کے لیے ہیں۔ وزیراعظم کے تعلق سے انہوں نے کہا کہ نریندر مودی بہت دور کی سوچ رکھنے والے رہنما ہیں۔ انھوں نے کسانوں کے لیے چھوٹی اسکیمیں بھی تیار کی ہیں اور یہ تینوں قانون کسانوں کی ترقی میں بہت کام آئیں گے۔

انہوں نے کہا کہ جب کانگریس اقتدار میں تھی تو وہ بھی یہ کہتی تھی کہ کسانوں کے لیے قانون میں تبدیلی ضروری ہے اور اب وہی اس کی مخالفت کر رہی ہے۔

شیوراج سنگھ نے کہا ہم اپنے صوبے میں کسانوں کو ان قوانین کے فائدے بتائیں گے اور ان تک اسے پہنچائیں گے۔ انہوں نے کہا اس قانون سے کسانوں کو آزادی ملی ہے ورنہ کسان اب تک منڈی میں قیدی کی طرح تھا اور اب کسان آزاد ہے اور وہ اپنی فصل کہیں بھی بیچ سکتا ہے۔

انہوں نے کہا کہ اگر کسان کو اچھی کھاد، بیج اور فصل کی قیمت پہلے سے ہی پتہ ہو تو اس کے لئے یہ اچھا ہے۔ وہیں اسٹاک سسٹم ختم ہونے سے بھی کسانوں کو فائدہ نہیں پہنچے گا۔ اس لیے ہم اس ذرعی قانون کی حمایت میں ہیں اور ہم مدھیہ پردیش میں کسانوں کے راحت کے لیے کام شروع کر چکے ہیں۔