مدھیہ پردیش: خاتون کلکٹر کے ساتھ بی جے پی کارکنان کی بدتمیزی

ریاست مدھیہ پردیش کے ضلع راجگڑھ میں ممانعت کے باوجود شہریت ترمیمی قانون کی حمایت میں بی جے پی کارکنان کی جانب سے ترنگا ریلی نکالی گئی جس میں شامل افراد نے خاتون ڈپٹی کلکٹر کے ساتھ بدتمیزی کی۔

انتظامیہ اور بی جے پی کارکنان کے مابین جھڑپیں بھی ہوئیں جس کے بعد بی جے پی کارکنان نے خاتون کلکٹر کو گالیاں دینی شروع کر دیں نیز ان کے کپڑے اور بال کھینچے، تبھی خاتون کلکٹر نے اپنا بچاؤ کرتے ہوئے مبینہ طور پر حملہ آور افراد کو طمانچہ رسید کیا۔
راجگڑھ کی ڈپٹی کلکٹر پریا ورما نے دفعہ 144 نافذ ہونے کے باوجود بی جے پی کارکنان کو ترنگا یاترا نکالنے سے روکا لیکن وہ نہیں رکے۔

اس دوران انتظامیہ اور بی جے پی کارکنوں کے درمیان جھڑپیں بھی ہوئیں کارکنوں نے خاتون ڈپٹی کلکٹر کو گالیاں دینی شروع کر دیں اور ان کا کپڑے اور بال کھینچنے لگے تبھی انہوں نے اپنا بچاؤ کرتے ہوئے مبینہ طور پر حملہ آور افراد کو طمانچہ رسید کیا۔

جھڑپ پر قابو پانے کے لیے پولیس اہلکاروں نے لاٹھی چارج کی جس میں دو کارکنان کے زخمی ہونے کی اطلاع ہے۔

واضح رہے کہ دفعہ 144 نافذ ہونے کی صورت میں بی جے پی کارکنان کو شہریت ترمیمی قانون کی حمایت میں ریلی نکالنے کی ممانعت تھی۔

لیکن انتظامیہ کے حکم کے بغیر بی جے پی کارکنان نے ریلی نکالی، انتظامیہ نے مسلسل انہیں روکنے کی بھی کوشش کی اسی درمیان دونوں کے درمیان جھڑپ ہوئی جس میں بی جے پی کارکنان نے خاتون ڈپٹی کلکٹر کو گالیاں دیں اور ان کے کپڑے بھی پھاڑنے کی کوشش کی تبھی ان پر لاٹھی چارج کی گئی جس میں دو کارکنان کے زخمی ہونے کی بھی اطلاع ہے۔