شہریت ترمیمی بل ثقافتِ ہند کے خلاف: سندھیا

کانگریس کے سینیئر رہنما اور سابق مرکزی وزیر جیوتی رادتیہ سندھیا نے شہریت ترمیمی بل 2019 کی مخالفت کرتے ہوئے آج کہا کہ یہ بھارت کی ثقافت کے خلاف ہے۔

مسٹر سندھیا یہاں صحافیوں کے ساتھ گفتگو کرتے ہوئے لوک سبھا میں پاس ہونے والے بل پر رد عمل کا اظہار کر رہے تھے۔ انہوں نے کہا کہ بھارت کی ثقافت ہمیشہ تمام مذاہب، طبقوں کے عوام کو اپنے میں سمونے کی رہی ہے لیکن یہ بل اس کے مخالف ہے جس کے سبب شمال۔مشرق کی ریاستوں میں اس کی مخالفت ہورہی ہے۔

انہوں نے کہا کہ محض کانگریس ہی نہیں دیگر کئی سیاسی پارٹیاں بھی اس کی مخالفت میں کھل کر سامنے آ رہے ہیں۔