این ایس یو آئی کا بھوپال میں مظاہرہ

ریاست مدھیہ پردیش کے دارالحکومت بھوپال میں طلبا یونین این ایس یو آئی نے مرکزی حکومت کے خلاف مظاہرہ کیا اور جے این یو میں نقاب پوش کے ذریعے طالبات پر کیے گئے حملے کی مذمت کی۔

اس موقع پر رکن اسمبلی عارف مسعود نے شرکت کی اور بی جے پی پر الزام عائد کرتے ہوئے کہا کہ بی جے پی پولیس کے بل پر طلبا کی طاقت کو دبانا چاہتی ہے۔

عارف مسعود نےجے این یو میں ہوئے حملے کے لیےوزیر داخلہ امیت شاہ کو ذمہ دار ٹھہرایا اور کہا کہ صرف طالبات کو ہی نشانہ بنایا جا رہا ہے، پہلے جامعہ اور اب جے این یو میں ہنگامہ کیا گیا۔

انہوں نے بی جے پی پر طنز کرتے ہوئے کہا کہ بی جے پی چاہتی ہے کہ اس کے مطابق سبھی لوگ اس کی ہاں میں ہاں ملائی جائے اور جو ان کی پالیسیوں کے خلاف ہوگا اسے برباد کر دیا جائے گا، یہی وجہ ہے کی جامعہ ہوں یا جے این یو جہاں سے بھی مخالفت میں آواز بلند ہوگی اسے اسی طرح سے دبایا جائے گا۔