بھوپال کلکٹر کی عوام سے اپیل

ریاست مدھیہ پردیش کے دارالحکومت بھوپال میں لگاتار شہریت ترمیمی قانون کے خلاف احتجاج جاری ہے۔ بھوپال کلکٹر ترون کمار پیتھوڑے نے عوام سے امن قائم رکھنے کی اپیل کی۔

ریاست مدھیہ پردیش کے دارالحکومت بھوپال میں شہریت ترمیمی قانون کے نفاذ کی وجہ سے لگاتار احتجاج جاری ہے ۔ساتھ ہی بھوپال کے تمام اضلاع میں دفعہ 144 کا نفاذ کر دیا گیا ہے۔ لیکن اس کے باوجود سبھی تنظیم اور سبھی قوم کے لوگ لگاتار احتجاج اور مظاہرے کر رہے ہیں، جسے دیکھتے ہوئے بھوپال کے کلکٹر ترون کمار پیتھوڑے نے عوام سے اپیل کی ہے کہ کسی بھی طرح کی افواہوں میں نہ پڑیں اور قانون کو اپنے ہاتھ میں نہ لیں۔

انہوں نے کہا اگر کسی بھی طرح کی بات سے کسی بھی طرح کا تنازعہ پیدا ہوتا ہے، تو اس کی خبر جلدی جلدی پولیس کنٹرول روم میں دی جائے تاکہ کسی بھی طرح کی واردات کو پہلے ہی روکا جاسکے۔واضح رہے کہ بھوپال میں لگاتار احتجاج جاری ہے ۔پر بھوپال کے عوام اپنے گنگا جمنی تہذیب کی مثال پیش کرتے ہوئے بڑے ہی پرسکون طریقے سے احتجاج کر رہے ہیں۔