بی جے پی دفتر پر قومی پرچم کی توہین کے خلاف دھرنے پر بیٹھے عارف مسعود

مدھیہ پردیش کے ضلع مالوا میں بی جے پی دفتر پر یوم آزادی کے روز قومی پرچم کی توہین کیے جانے کے خلاف کانگریس رکن اسمبلی عارف مسعود دھرنے پر بیٹھ گئے۔ انہوں نے کہا کہ بی جے پی اس کے لئے معافی مانگے۔

مدھیہ پردیش کے مالوا ضلع میں بی جے پی دفتر پر یوم آزادی کے موقع پر قومی پرچم کی توہین کئے جانے کا معاملہ گرما گیا ہے۔ کانگریس رکن اسمبلی عارف مسعود قومی پرچم کی توہین ہونے کے معاملے پر وزیراعلی شیوراج سنگھ چوہان اور بھارتیہ جنتا پارٹی کے قومی صدر جے پی نڈا سے عوام سے معافی مانگنے کے مطالبہ کو لے کر دھرنے پر بیٹھ گئے۔

منٹو ہال میں واقع مہاتما گاندھی کے مجسمے کے سامنے علامتی دھرنے پر بیٹھے عارف مسعود نے حکومت سے قومی پرچم کی توہین کرنے والوں کے خلاف ملک سے غداری کا مقدمہ درج کرنے کا مطالبہ بھی کیا ہے۔

رکن اسمبلی عارف مسعود نے کہا بھارتی پرچم قانون 2002 میں کسی دوسرے جھنڈے کو بھارتی جھنڈے کے برابر یا اونچائی یا اس سے اوپر نہیں لہرایا جانا چاہیے۔ اس کے باوجود بھارتی جنتا پارٹی کے آفس پر ترنگے سے اونچا بھارتیہ جنتا پارٹی کا جھنڈا لگایا گیا۔

وہیں، اگر مالوا ضلع کہ بی جے پی دفتر پر بھی ترنگے سے اونچا بی جے پی کا جھنڈا لگایا گیا جو کہ ترنگے کی توہین ہے۔

اس حرکت سے کروڑوں ہندوستانیوں کے جذبات کو ٹھیس پہنچی ہے۔